அக்கறைகள்...

என் அக்கறைகள்கூட சமயத்தில்
அவஸ்தைகளாகிப் போகின்றன
உனக்கு....
மௌனமே பதிலாய் அமையும்
உன் எரிச்சலின்
உச்சகட்ட தருணங்களில்...
இல்லாமலே போய்விடுகின்றன
உன் அக்கறைகளும்
மற்றும் என்
அவஸ்தைகளும்

****

கார்களில் பயணிக்கும்

வளர்ப்பு நாய்கள் கூட

குரைக்கின்றன

சாலையில் தொழில்புரியும் 

எளியவர்களைப் பார்த்து.

  

பிரிவின் பதிவு

மலர் உதிரும் மென்மையுடன்தான்

நமது பிரிவினை நீ பதிவு செய்தாய்.

மனம் ஏனோ மருகுகிறது 

மரமே வீழ்ந்தது போல்...

மனக்குளத்தில்

மனக்குளத்தில் 

விழுகின்ற 

ஞாபகக் கற்கள் 

கலங்க வைக்கின்றன

கண்களை...

வாழ்க்கை...

தவறவிட்ட வாய்ப்புகளின்

தொகுப்பாய்தான்

தோற்றமளிக்கிறது 

வாழ்க்கை...

ஒரு மொட்டு மலரென

ஒரு மொட்டு மலரென

விரிவதற்க்குதான்

எத்தனை சட்டங்கள்

இந்நாட்டில்...

போகன்வில்லா...

பிழை இலைகள் 

என்று அறிந்திருக்கும் போதும் 

மனம் ஏனோ 

பூவாய்தான் காண்கிறது...